Content feed Comments Feed

ముందుమాట

హిందూ ధర్మంలో చాలా కీలకమైన అంశం ఓంకారం. కాబట్టి ఆదిలోనే దానినందిస్తున్నాము. ఓంకారమంటే బ్రహ్మవిద్య. అలాంటి దానిని సామాన్య హిందువుకు కూడా అందించాలనే యత్నం పెద్ద సాహసమే. ఇది ఆత్మవిద్య. ఆత్మకల వారంతా ఆత్మీయతతో చదివి తీరాలి. మీకు గల శ్రద్ధను బట్టి ఇది మీకెంతో ఆత్మానందం కల్గిస్తుంది. మనస్సును ఏకాగ్రం చేసి నిదానంగా దీనిని చదవండి. ఇది మీకు అర్థమయే రీతిని బట్టి మీ స్థాయిని గ్రహించు కోవచ్చు. మీరో మారు చదివితే తప్పక అంతా గ్రహింపగల్గుతారు. కంప్యూటరు విషయం సామాన్యుల కర్థమయేటట్లు చెప్పాలంటే కొన్ని అయినా సాంకేతిక పదాలు ఉపయోగించక తప్పదు. కొంతైనా శాస్త్రీయ పదజాలం రాక మానదు. అలాగే ఈ బ్లాగులో ఏవైనా కొన్ని మాటలు కష్టంగా ఉంటే అవి మనస్థాయికి రాలేవని, మనమే వాని స్థాయినందుకోవాలని గ్రహిద్దాము. అర్థం చేసుకొనే యత్నం చేద్దాము. మహానిధులు దొరకాలంటే కొంత లోతుగా త్రవ్వవలసి ఉంటుంది. నిధులు పైపైనే ఉంటే వాటికా విలువ ఉండదు. కాబట్టి అలాంటి ఓంకార నిధిని కొద్ది కష్టమైనా ఓర్పుతో పొంది దానిని అనుభవంలోకి తెచ్చుకొని ఐహిక, పారమార్థిక ప్రయోజనాలన్నిటినీ పొందగల్గుతారని ఆశిస్తూ,

--సదా సత్సేవలో

0 comments

Post a Comment